Chant ID: CAO 1773

Source siglum: GB-Cu Mm.ii.9

======

Antiphon:
  Caritas pater est gracia Christus communicatio spiritus o beata trinitas.

Rubric:
  P%S[almus]

Incipit of the Psalm (Psalm 61):
  No[n]ne deo.

======

Full text of Psalm 61 (Latin Vulgate version):
  Nonne Deo subjecta erit anima mea?
  ab ipso enim salutare meum.

  Nam et ipse Deus meus et salutaris meus;
  susceptor meus, non movebor amplius.

  Quousque irruitis in hominem?
  interficitis universi vos,
  tamquam parieti inclinato et macerię depulsę.

  Verumtamen pretium meum cogitaverunt repellere;
  cucurri in siti:
  ore suo benedicebant,
  et corde suo maledicebant.

  Verumtamen Deo subjecta esto, anima mea,
  quoniam ab ipso patientia mea:

  quia ipse Deus meus et salvator meus,
  adjutor meus, non emigrabo.

  In Deo salutare meum et gloria mea;
  Deus auxilii mei, et spes mea in Deo est.

  Sperate in eo, omnis congregatio populi;
  effundite coram illo corda vestra:
  Deus adjutor noster in ęternum.

  Verumtamen vani filii hominum,
  mendaces filii hominum in stateris,
  ut decipiant ipsi de vanitate in idipsum.

  Nolite sperare in iniquitate,
  et rapinas nolite concupiscere;
  divitię si affluant, nolite cor apponere.

  Semel locutus est Deus;
  duo hęc audivi:
  quia potestas Dei est,

  et tibi, Domine, misericordia:
  quia tu reddes unicuique juxta opera sua.

======